Uburezi mu karere ka Nyamagabe butangirira mu mashuri y'incukye, amashuri abanza, n'ayisumbuye. Hari n'ibigo byigisha gusoma no kwandika. Ibigo byo guhungura abakozi byo n'amashuri makuru ntabihari.
Akarere ka Nyamagabe gafite ibigo by'amashuri abanza 220 ibyinshi muri byo byashyizweho n'abikorera ku giti kyabo n'ababyeyi. Abanyeshuli bo mashuri abanza mu karere agera kuri 7,286 harimo abahungu bagera kuri 3,571 naho abakobwa ni 3,715. Abana batangira kwiga bafite hagati y'imyaka itatu n'itanu.
Ikigereranyo ky'umubare w'abana kumwarimu n'abanyeshuri 33 kumwarimu umwe . Abanyeshuri biga amezi 9 ku mwaka agabanyijemo ibihembwe bitatu. Abarimu bagera kuri 263, abagabo ni 53 naho abagore ni 210 bose babyigiye. Abenshi muri bo bahembwa n'ababyeyi.
Amashuri amwe agiye acumbitse mu mazu y'amatorero cyangwa amazu y'abikorera. Nta mazi meza cyangwa amashanyarazi ndetse n'ubwiherero buhari bumeze nabi
Nubwo ubuyobozi bw'Akarere ka Nyamagabe n'ababyeyi bafatanyije kugirango bateze imbere uburezi mu mashuri abanza bitewe n'ibibazo byinshi harimo kubura ibikoresho, imfasha nyigisho zidahagije, n'amazu adahagije cyangwa ashaje, nta mashanyarazi, nta nteganyanyigisho, n'abarimu baminuje bahari nta n'agahimbazamusyi bahabwa. Ariko ntabwo biduca intege, ahubwo duhora dushakisha icyatuma uburezi burushaho kuba bwiza, bugatanga umusaruro ugera ku ntego tuba twihaye.
|
