Muri uyu  muhango, Umuyobozi w’Akarere yashimye amasomo iri shuli ritanga yibutsa abana bayasoje ko ari amasomo y’ingirakamaro azabafasha mu buzima bwabo.

Yabwiye abanyeshuli ko Igihugu gitanga amahirwe yo kwiga kuko nibwo buryo bwafasha abakiri bato kwiteza imbere.

Yagize ati “Leta ishyira imbaraga nyinshi mu gushaka uburyo yazamura ubumenyi mu bana kuko iyoo bafite ubumenyi bashaka uburyo bwo kubasha gukora. Iyo ufite ubumenyi ukabasha kubukoresha neza binyuze mu kwishyira hamwe muri iki Gihugu ugera ku ntego yawe”.

Yashimye ababyeyi bemeye kohereza abana kuri iri shuli kuko bizabafasha guteza imbere ubuzima bwabo.

Muri uyu muhango kandi hatashywe ibiro bishya by’Umuyobozi w’Ishuli, bikaba byarubatswe n’abanyeshuli.

Aba banyeshuli basoje amasomo bize imyuga yo kubaka, gukanika, kubaza no kudoda.