Kuri uyu wa 3 Mata 2025, abanyeshuri n’abarimu b’Ishuri Rikuru rya Gisirikare rya Nyakinama baherekejwe n'Umuyobozi waryo, Brig. General Andrew NYAMVUMBA, bagiriye urugendoshuri mu Karere rufite insanganyamatsiko igira iti:” Politiki y’iterambere ry’ubuhinzi hagamijwe ukwihaza mu biribwa n’iterambere.”

Babanje kwakirwa n'Umuyobozi w'Akarere Wungirije Ushinzwe Iterambere ry'Ubukungu, Bwana Thaddée HABIMANA, berekwa ishusho y'Akarere by'umwihariko mu bijyanye n'ubuhinzi.

Bakomereje ku gusura uruganda rw'icyayi rwa Kitabi (Kitabi Tea Factory), basobanurirwa imikorere yarwo.

Mbere yo gusoza urugendoshuri bagiriraga mu Karere, abanyeshuri n’abarimu b’Ishuri Rikuru rya Gisirikare rya Nyakinama bishimiye uko ubuyobozi bw'Akarere n'ubwa Kitabi Tea Factory bwabakiriye. 

Babwijeje ko ibyo biboneye by'umwihariko muri uru Ruganda bigiye kubabera impamba.