Kuri uyu wa 24 Nzeri 2025, Umuyobozi w'Akarere, Bwana Hildebrand NIYOMWUNGERI ari kumwe n'Abayobozi b'Akarere Bungirij (b0mbi), yakiriye Senateri BIDERI John Bonds na Senateri MUKAKARANGWA Clotilde bo muri Komisiyo ya Sena ya Politiki y'Imiyoborere.

Bagiranye ibiganiro n'ubuyobozi bw’Akarere hamwe n'abahagarariye ibyiciro binyuranye mu Karere byibanze ku byavuye mu bugenzuzi bakoreye mu Murenge wa Musebeya kuri ku ruhare rw'ihame ry'uburinganire bw'abagore n'abagabo mu guteza imbere umuryango nyarwanda.

Kuri uyu wa 23 Nzeri 2025, ni bwo Senateri MUKAKARANGWA Clotilde bo muri Komisiyo ya Sena ya Politiki y'Imiyoborere baherekejwe n’Umuyobozi w’Akarere Wungirije Ushinzwe Iterambere ry'Ubukungu, Bwana Thaddée HABIMANA basuye Umurenge wa Musebeya mu rwego rwo kugenzura uko ihame ry'uburinganire bw'abagore n'abagabo rigira uruhare mu guteza imbere umuryango nyarwanda.

Nyuma yo kuganira n'ibyiciro byihariye no itsinda ry'abagabo 5 n'abagore 24 bize umwuga w'ubudozi bw'imyenda, abarigize bakabasobanurira uko uyu mwuga uri kubafasha guteza imbere imiryango yabo, banakoreye Inteko y'Abaturage mu Kagari ka Kagano.