Kuri uyu wa 21 Mutarama 2026, Umuyobozi w'Akarere, Bwana Hildebrand NIYOMWUNGERI yakiriye itsinda ry'Abasenateri ryari rigizwe na Honorable Fulgence NSENGIYUMVA na Honorable Bibiane GAHAMANYI ryasoje uruzinduko rw'akazi rw'iminsi 2 bagiriraga mu Karere rwari rugamije kureba uko ubworozi bukorwa.

Nyuma y'uko kuri uyu wa 20 Mutarama 2026, aba Basenateri basuye ibikorwa by'ubworozi binyuranye, bakoranye inama n'ubuyobozi bw'Akarere, abakozi bafite mu nshingano ubworozi ku rwego rw'Akarere no ku rw'Imirenge, aborozi banini n'abato hamwe n'abacuruzi b'ibiryo by'amatungo.

Abasenateri bashimye uko basanze inzego zinyuranye zita ku bworozi, basaba gukomeza uwo mujyo.

Muri iyi nama hatanzwe ibyifuzonama (recommendations) birimo kuzamura no kongerera ubushobozi urwego rw'ubworozi, gushishikariza aborozi gukoresha ibiryo byujuje ubuziranenge, gushyiraho ibikorwa bihuza aborozi n'amasoko, gushishikariza aborozi gukorera mu matsinda n'ibindi.