Kuri uyu wa 22 Mutarama 2026, Umuyobozi w'Akarere, Bwana Hildebrand NIYOMWUNGERI ari kumwe n'Umuyobozi w'Akarere Wungirije Ushinzwe Imibereho Myiza y'Abaturage, Madame Agnès UWAMARIYA yakiriye itsinda rishinzwe gukurikira ikemurwa ry'ibibazo bibangamiye imibereho myiza y'baturage (Human Security Issues Taskforce) ku rwego rw'Igihugu ryari riyobowe na Bwana KAYIGANA Godefry, Umuyobozi Mukuru Ushinzwe Iterambere ry'Imibereho n'Iterambere ry'Abaturage muri Minisiteri y'Ubutegetsi bw'Igihugu (MINALOC).

Iri tsinda ryabanje kugaragarizwa ishusho y'uko Akarere kakemuye ibi bibazo, risuzuma mu nyandiko mu rwego rwo kureba uko raporo zikorwa.

Bwana KAYIGANA na bagenzi be bashimye imbaraga Akarere gashyira mu bikorwa bigamije gukemura ibibazo bibangamiye imibereho myiza y’abaturage.

Iri tsinda ryasuye Umurenge wa Buruhukiro mu rwego rwo kureba ishyirwa mu bikorwa by’ibi bikorwa.