Kuri uyu wa 18 Nzeri 2025, Guverineri w’Intara y’Amajyepfo, Madame Alice KAYITESI ari kumwe n’Umuyobozi w’Akarere, Bwana Hildebrand NIYOMWUNGERI hamwe n’abahagarariye Inzego z’Umutekano, yatangirije igihembwe cy’ihinga 2026 A mu Murenge wa Kitabi.

Bateye imbuto y'ibigori kuri site ya Uwurunazi ibarizwa mu Kagari ka Mukungu ifite ubuso bwa hegitari 10.

Guverineri KAYITESI yasabye abaturage ba Kitabi kwihutira guhinga ubutaka bwose kugira ngo haboneke ibiryo bihagije.

Yagize ati: “Baturage ba Kitabi, murasabwa guhinga ubutaka bwose bwagenewe ubuhinzi kugira ngo haboneke ibiryo.”

Yabasabye kandi gukoresha imbuto z'indobanure hamwe n'inyongeramusaruro mu rwego rwo kongera umusaruro.