Mu muhango wo kwibuka ku nshuro ya 31 Jenoside yakorewe Abatutsi mu 1994 wabereye ku Rwibutso rwa Jenoside rwa Kaduha, Honorable Depite UWUMUREMYI Marie Claire wari umushyitsi mukuru, yasabye abafite amakuru y'ahari imibiri y’abazize Jenoside yakorewe Abatutsi mu 1994 idashyinguye mu cyubahiro kuyatanga nayo igashyingurwa. kuko bibasubiza agaciro bikanakomeza ababo.

Kuri uyu wa 26 Mata 2025, ni bwo mu Murenge wa Kaduha hibutswe abatutsi bishwe muri Jenoside yakorewe Abatutsi mu 1994 basaga ibihumbi 46 biciwe kuri Paruwasi ya Kaduha aho bari bahungiye bizeye kuharokokera.

Honorable Depite UWUMUREMYI Marie Claire yasabye abafite amakuru y'ahari imibiri y’abazize Jenoside yakorewe Abatutsi mu 1994 idashyinguye mu cyubahiro kuyatanga nayo igashyingurwa kuko bibasubiza agaciro bikanakomeza ababo.

Mu muhango wo kwibuka ku nshuro ya 31 Jenoside yakorewe Abatutsi mu 1994 wabereye ku Rwibutso rwa Jenoside rwa Kaduha, wasojwe no gushyingura umubiri umwe wabonetse.

Urwibutso rwa Jenoside rwa Kaduha, ruruhukiyemo imibiri isaga ibihumbi 46 y'abazize Jenoside yakorewe Abatutsi mu 1994 bakomoka mu byahoze ari Amakomini ya Muko, Karambo, Musange na Musebeya, bakaba bari bahungiye kuri Paruwasi ya Kaduha.