Kuri uyu wa 01 Gashyantare 2026, Perezida w’Inama Njyanama y’Akarere, Madame Clotilde UWAMAHORO, ari kumwe n’Umuyobozi w’Akarere Wungirije Ushinzwe Imibereho Myiza y’Abaturage, Madame Agnès UWAMARIYA, bafatanyije n’abaturage bo mu Murenge wa Gasaka mu birori byo kwizihiza Umunsi w’Intwari z’Igihugu byabereye kuri Stade Nyagisenyi.

Ibi birori byatangirijwe no gutaha inzu y’ababyeyi yubatse mu Kigo Nderabuzima cya Nyamagabe, yuzuye mu mwaka w’ingengo y’imari wa 2024–2025. Mu bikorwa byaherekejwe n’imihigo y’abaturage, abantu 2 bo mu Murenge wa Gasaka bahawe inka, akarasisi n’imurikabikorwa rito, bigaragaza uburyo gahunda z’iterambere zifatika zizamura imibereho y’abaturage.

Perezida w’Inama Njyanama y’Akarere, Madame Clotilde UWAMAHORO, yashimangiye akamaro k’uyu munsi, agira ati:
"Umunsi w’Intwari z’Igihugu ni umwanya mwiza wo kwibuka intwari zacu zatangiye igihugu, kandi ukadufasha gusigasira ibyo igihugu cyagezeho. Ni umwanya wo gusubiza amaso inyuma tukabona ko buri kimwe twagezeho ari umusaruro w’ubufatanye n’umurava w’abaturage n’inzego zacu."

Kwizihiza Umunsi w’Intwari z’Igihugu byasoje n’umukino w’umupira w’amaguru w’Amarushanwa Umurenge Kagame Cup 2026, aho ikipe y’abagore y’Umurenge wa Gasaka yahuye n’iy’Umurenge wa Mbazi, umusaruro w’ibikorwa byo kwidagadura no guhuriza hamwe abaturage mu mbaraga ziterambere.