Kuri uyu wa 23 Nzeri 2025, Umuyobozi w'Akarere, Bwana Hildebrand NIYOMWUNGERI yakiriye Umuyobozi Mukuru w’Ikigo gishinzwe Guteza Imbere Ibikorwa by'Iterambere mu Nzego z'Ibanze, Madame NYINAWAGAGA Claudine hamwe n’itsinda ry’abaterankunga bari kumwe ryari riturutse muri KWF.

Urugendo rw’Umuyobozi Mukuru wa LODA n’itsinda bari kumwe rwari rugamije gusura imishinga y'iterambere iterwa inkunga binyuze mu Kigega kigamije gushyigikira Uturere tw’icyaro kuzamura imibereho myiza y’abaturage (Pro-Poor Development Basket Fund).

Basuye umuyoboro w’amazi wa Remera-Muganza-Kiraro ureshya n’ibilometero 28.7 uri kuvugururwa.

Uyu muyoboro uzageza amazi meza ku baturage 8,688 bo mu Murenge wa Kibirizi.

 Basuye kandi inzu y’ababyeyi y’icyerekezo yubatswe mu Kigo Nderabuzima cya Nyamagabe.

Bishimiye uko ibibikorwaremezo byose bihagaze.