Ku wa 23 Gashyantare 2025, Umuyobozi w’Akarere, Bwana Hildebrand NIYOMWUNGERI ari kumwe na bamwe mu bagize Inama y’Umutekano Itaguye y’Akarere yasoje amarushanwa Umurenge Kagame Cup ku rwego rw’Akarere.

Ku wa 17 Mutarama 2025, ni bwo amarushanwa Umurenge Kagame Cup ku rwego rw’Akarere, yitabirwa n’Imirenge yose igize Akarere.

Ku rwego rw’Akarere, aya marushanwa yasojwe n’imikino y’umupira w’amaguru yahuje ikipe y’Umurenge wa Gasaka n’iy’Umurenge wa Nkomane mu bagabo.

Umukino warangiye ari ibitego 3 by’ikipe y’Umurenge wa Gasaka kuri 1 cy’iy’uwa Nkomane.

Habaye kandi umukino wahuje ikipe y’Umurenge wa Mugano n’iy’uwa Gasaka mu bagore warangiye ari ibitego 2 by’iy’uwa Mugano ku 0 bw’iy’uwa Gasaka.

Umuyobozi w'Akarere, Bwana Hildebrand NIYOMWUNGERI wasoje amarushanwa Umurenge Kagame Cup ku rwego rw’Akarere yashimiye abitabiriye abayitabiriye, ababwira ko ategurwa mu rwego rwo kurushaho gushimangira imiyoborere myiza. 

Yasabye abitabiriye uyu mukino gukunda siporo kuko ari ubuzima.

Yabasabye kandi kwirinda ingengabitekerezo ya Jenoside no guha ishingiro Jenoside yakorewe Abatutsi mu 1994.

By'umwihariko yasabye urubyiruko kwirinda no kurwanya ibiyobyabwenge.

Umurenge Kagame Cup, ni irushanwa rihuza amakipe y’abaturage mu nzego z’ibanze buri mwaka mu mikino itandukanye irimo umupira w’amaguru; imikino y’amaboko nka Volley-ball na basketball, imikino ngororamubiri n’iyindi. Iyi mikino ihuza amakipe ahagarariye Imirenge kuva ku rwego rw’Akarere kugeza ku rwego rw’igihugu.