Kuri uyu wa wa 04 Kamena 2025, Umuyobozi w'Akarere, Bwana Hildebrand NIYOMWUNGERI ari kumwe n'Umuyobozi w'Akarere Wungirije Ushinzwe Imibereho Myiza y'Abaturage, Agnès UWAMARIYA bakiriye itsinda ryaturutse mu Mushinga BRAC- UPGI, baganira kuri gahunda yo kuvana mu bukene abaturage bari mu rugendo rwo kwikura mu bukene, banasinya amasezerano y’ubufatanye.

Meya NIYOMWUNGERI yaashimiye BRAC- UPGI yiyemeje gufatanya n’Akarere kurandura ubukene mu baturage. 

Yagize ati: “Turashimira Umushinga BRAC- UPGI wahisemo kwifatanya natwe mu rugendo rwo guhashya ubukene mu Karere ka Nyamagabe. Aya masezerano dusinyanye, ni urufunguzo rw'icyizere ku baturage bari mu nzira yo kwivana mu bukene.

Umuyobozi wa BRAC-UPGI mu Rwanda, Bwana MUHIRE Jean Claude yashimye ubufatanye bafitanye n'Akarere muri gahunda yo gufasha umuturage kwiteza imbere, yizeza ko bazakomeza gufatanya muri gahunda zose ziganisha ku iterambere ry'Akarere by'umwihariko muri gahunda yo kuvana abaturage mu bukene (Graduation) Akarere ka Nyamagabe kimirije imbere.