Kuri uyu wa 19 Werurwe 2024, Umuyobozi w'Akarere Bwana Hildebrand NIYOMWUNGERI yatangije Ukwezi kwahariwe ibikorwa by'Inzego z'Umutekano, kwita ku isuku n'isukura no kurwanya igwingira mu bana. Iki gikorwa cyabanjirijwe n’Igitondo cy’Isuku, aho Umuyobozi w’Akarere ari kumwe n’Ingabo na Polisi yifatanyije n’abaturage b’Umurenge wa Gasaka mu gukora isuku mu nkengero z’Umujyi wa Nyamagabe.

Atangiza uku Kwezi, Meya NIYOMWUNGERI yasabye abaturage b’Umurenge wa Gasaka ari na wo ubarizwamo Umujyi wa Nyamagabe kugira isuku umuco.

Abari bahagarariye Ingabo na Polisi bashimiye abaturage, ubufatanye badahwema kugaragariza izi Nzego mu gucunga umutekano, babizeza ko na zo zizabahora hafi mu rugamba rwo guhangana n’ibibazo bibangamiye imibereho myiza y’umuturage.