Muri uyu muhango hatanzwe ubuhamya bw’uko jenoside yashyizwe mu bikorwa mu cyahoze ari Komine Musange, hatanzwe ubutumwa bwo gukomeza kwigisha abana amateka nyayo no kubarinda ingengabitekerezo ya Jenoside. Abaturage basabwe kubakira kuri Ndi Umunyarwanda nk’amahitamo y’Igihugu.

Muri uyu muhango hunamiwe hanashyirwa indabo ku mugezi wa Rukarara mu rwego rwo guha icyubahiro abatutsi bajugunywe mu migezi ya Rukarara na Mwogo, hashyizwe indabo ku mva ziruhukiyemo imibiri y’abarenga 26,000 bazize jenoside yakorewe abatutsi.