Kuri uyu wa 30 Nyakanga 2025, abagize Komite Nyobozi y'Akarere bakiriye itsinda ry' abakozi b'Ikigo cy'Igihugu Gishinzwe Ibarurishamibare mu Rwanda (NISR) ryasoje isuzuma ry' imihigo y'Akarere y'umwaka wa 2024-2025.

Ku wa 2025 Nyakanga 2025, ni bwo Ikigo cy'Igihugu Gishinzwe Ibarurishamibare mu Rwanda (NISR) ryatangiye isuzuma ry’imihigo y’Akarere y’umwaka wa 2024-2025.

Nyuma yo gusuzuma inyandiko zijyanye na buri muhigo ku mihigo 133 iri tsinda ryakomereje ku gusura ibikorwa biri hirya no hino mu Mirenge.

Hasuwe Imirenge ya Mugano, Kaduha, Uwinkingi, Kitabi, Tare, Kibirizi na Gasaka.

Iki gikorwa cyasojwe n’ikiganiro (Focus Group Discussion) iri tsinda ryagiranye ibiganiro n’abagize Komite Nyoboziy’Akarere.

Iki kiganiro cyibanze ku byiza by’imihigo mu kugera ku ntego za NST2, kungurana ibitekerezo kuri gahunda n’ibikorwa bitandukanye bigamije iterambere ry’umuturage, uko imihigo itegurwa, uko ishyirwa mu bikorwa n’uko ikurikiranwa ndetse n’uko igikorwa cy’isuzuma cyagenze kuva kuva hasuzumwa inyandiko no gusura ibikorwa.

Iri tsinda ryashimye ukuntu ryasanze inyandiko z’imihigo ziri ku murongo, ubwitange bw’abayobozi ndetse n’abandi bakozi babaharekezaga mu gihe cyo kujya gusura ibikorwa.

Bashimye kandi ko aho bagiye hose ibikorwa babihasanze kandi bimeze neza.

Ibyo birimo ibyumba by’amashuri, inzu z’ababyeyi, inzu zubakiwe abatishoboye ndetse n’ubundi bufasha bahawe.

Bishimiye kandi ko basanze abaturage b’Akarere ka Nyamagabe batangiye kumva imihigo.

Muri rusange bashimye uko imihigo yateguwe, uko yashyizwe mu bikorwa n’uko yakurikiranwe hagamijwe ineza y'umuturage.