Kuri uyu wa 05 Kanama 2025, Umuyobozi w'Akarere, Bwana Hildebrand NIYOMWUNGERI ari kumwe n’abandi bagize Komite Nyobozi y’Akarere, bagiranye ibiganiro byagarutse ku mirongo migari ya gahunda ya Nyamagabe Gira Wigire igamije kuvana abaturage mu bukene ku bufatanye n'Umushinga BRAC UPGI.

Meya NIYOMWUNGERI yagaragarije abafatanyabikorwa ingamba zihari zo gufasha abaturage kwivana mu bukene n’amahirwe ahari.

Yavuzeko icy’ingenzi kigomba kwitabwaho mu kuvana abaturage mu bukene harimo kubanza kubahindurira imyumvire.

Muri iyi nama kandi Umushinga BRAC UPGI weretse ubuyobozi bw’Akarere, abakozi batatu bawo bazakorera ku Biro by’Akarere mu rwego rwo kwihutisha ishyirwa mu bikorwa rya gahunda yo kuva abaturage mu bukene.

Meya NIYOMWUNGERI yasabye aba bakozi gukora cyane no guhanga ibishya mu nshingano zabo, batanga amakuru yuzuye kuri gahunda ya Nyamagabe Gira Wigire igamije kuvana abaturage mu bukene.