Ku wa 08 Nzeli 2022, mu Karere ka Nyamagabe hatangijwe ibikorwa byahariwe ukwezi kw’imiyoborere aho abayobozi ku rwego rw’Akarere begera abaturage mu rwego rwo kubakemurira ibibazo biba bitarakemukiye ku Mirenge no ku zindi nzego z’ibanze

Iyi gahunda igamije kugera mu Mirenge yose yatangirijwe ku mugaragaro mu Murenge wa Kitabi aho Umuyobozi w’Akarere ka Nyamagabe, Hildebrand Niyomwungeri ari hamwe n’Umuyobozi wa Police mu Karere SSP Burahinda Ntacyo ndetse n’Umuyobozi w’Inkeragutabara mu Karere,  Lt. Col. John Agaba bari bifatanyije n’uyu Murenge.

Mu gutangiza iki gikorwa, Umuyobozi w’Akarere yasabye abaturage gufatanya n’Ubuyobozi mu gukemura ibibazo byabo, bafasha mu gutanga amakuru y’ukuri.