Kuri uyu wa 27 Kanama 2025, Umuyobozi w' Akarere, Bwana Hildebrand NIYOMWUNGERI ari kumwe n' abagize Inama y' Umutekano Itaguye y' Akarere, yakiriye Ambasaderi Jean De Dieu UWIHANGANYE, Umunyamabanga wa Leta Ushinzwe Ibikorwaremezo muri Minisiteri y'Ibikorwaremezo (MININFRA) wasuye Akarere.

Ambasaderi UWIHANGANYE yasuye ikiraro cya Mwogo gihuza Akarere ka Nyamagabe n'aka Nyanza kigiye kuvugururwa mu rwego rwo kwirinda ko cyakongera kurengerwa n'amazi.

Yasuye kandi ikiraro cya Rukarara na cyo gihuza utu Turere cyangiritse mu rwego rwo kureba uko cyasanwa vuba ubuhahirane bugakomeza. 

Hafashwe umwanzuro wuko ibi biraro byombi bizatangira gusanwa mu Ukwakira 2025 bikazakorerwa rimwe no gutsindagira umuhanda Gasaka-Cyanika -Mbazi -Musange.