Kuri uyu wa 05 Kamena 2025, ubwo hizihizwaga Umunsi Mpuzamahanga wo kurengera Ibidukikije mu birori byabereye mu Mujyi wa Kigali, SANGWA Alliance wiga muri GS Gatare, yahembwe nk’umunyeshuri wabaye uwa mbere mu Gihugu mu cyiciro cy'amashuri abanza, mu marushanwa yo kurengera ibidukikije yateguwe n’Ikigo Gishinzwe Kwita ku Bidukikije mu Rwanda (REMA).

Amarushanwa yibanze ku guca ihumana riterwa na pulasitiki harengerwa urusobe rw'ibinyabuzima bigamije iterambere rirambye.

Umunsi Mpuzamahanga wo kurengera Ibidukikije, wizihizwa buri tariki ya 05 Kamena buri mwaka.