Kuri uyu wa 10 Ukwakira 2023, Umuyobozi w' Akarere Bwana Hildebrand NIYOMWUNGERI ari kumwe n' Umuyobozi w' Akarere Wungirije Ushinzwe Imibereho Myiza y' Abaturage Madame Agnès UWAMARIYA yakiriye Umuyobozi wa Fondation Margrit Fuchs ku rwego rw' Isi Regula Gloor wari uri kumwe n' Ubuyobozi bwa Bureau Social de Développement iyi Fondation itera inkunga.

Nyuma yo kwakirirwa ku Biro by’ Akarere, bari kumwe n' Umuyobozi w' Akarere basuye Abagenerwabikorwa b' Abagore batandukanye bo mu Murenge wa Cyanika baterwa inkunga n' iyi Fondasiyo binyuze mu mushinga wa Bureau Social de Développement wo kubafasha kwigira.

Umuyobozi wa Fondation Margrit Fuchs Regula Gloor yashimye uburyo aba Bagenerwabikorwa bakoresha neza inkunga bahabwa.

Fondation Margrit Fuchs, ni umwe mu Bafatanyabikorwa b’ Akarere mu bikorwa binyuranye bifasha Abaturage kwiteza imbere.