Iki gikorwa ku rwego rw’Akarere cyabereye mu Murenge wa Gasaka cyitabirwa n'urubyiruko rwo mu mashuri ya ES Sumba, ESc Nyamagabe, GS Gikongoro na Don Bosco TVET School. Abitabiriye babanje urugendo rwo kwamagana ihohoterwa rishingiye ku gitsina baturutse mu i Ronderi berekeza kuri Stade Nyagisenyi.

Igikorwa cyitabiriwe n'Umunyamabanga w'Inama y'Igihugu y'Abagore ku rwego r'Intara; Umuhuzabikorwa w'Inama y'Igihugu y'Abagore mu Karere ka Nyamagabe, Umuyobozi w'Ishami ry'Imiyoborere Myiza mu Karere n'abandi bayobozi.

Ubutumwa bwatanzwe bwagarutse ku gusobanurira urubyiruko ihohoterwa rishingiye ku gitsina, uko baryirinda, kumenya uko barirwanya mu miryango ndetse no kwirinda imirimo ibujijwe mu bana.