Hatowe Abajyanama 5 b’Abagore bazahagararira 30% mu Nama Njyanama y’Akarere ka Nyamagabe
Kuri uyu wa 17 Ugushyingo 2026, kuri Stade Nyagisenyi mu Karere ka Nyamagabe habereye amatora y’Abajyanama 5 b’Abagore bazahagararira 30% by’abagize Inama Njyanama y’Akarere.
Muri aya matora, abakandida 15 bari batanze kandidatire babanje kugeza ku Nteko itora imigabo n’imigambi yabo, bagaragaza ibyo bazibandaho mu gihe bazaba batowe. Nyuma yo kumva imigabo n’imigambi yabo, abagize Inteko itora bakoze igikorwa cyo gutora, buri wese agahitamo abakandida batanu muri abo 15.
Amatora yasojwe hatowe abakandida batanu bagize amajwi menshi, ari bo:
SHIMWA Sabine – amajwi 188.
MUKABERA Joséphine – amajwi 163.
MUKARUKUNDO Pascasie – amajwi 153.
NYIRANTAGORAMA Marie Thérèse – amajwi 142.
UWERA Joselyne – amajwi 141.
Aba bagore batanu batowe bazahagararira 30% by’abagize Inama Njyanama y’Akarere ka Nyamagabe, mu rwego rwo gushyira mu bikorwa ihame ryo guteza imbere uruhare rw’abagore mu nzego zifata ibyemezo.
Kwamamaza no gushyigikira uruhare rw’abagore mu miyoborere ni imwe mu nzira zo kwimakaza ihagararirwa ryabo mu nzego zifata ibyemezo no mu iterambere ry’Akarere.